Í dag eru 86 ár síðan týski kavbáturin U-31 søkti vestmannasluppina Union Jack norðan fyri Hebridurnar.

Sambært uboat.net var skipið á veg úr Vestmannaoyggjunum til Aberdeen við fiski, tá kavbáturin fyrst skeyt eftir tí við maskinbyrsu. Teir sjey menninir fóru í ein lítlan árabát, áðrenn Union Jack varð skotin niður við kanón.

Manningin hevði hvørki mat ella vatn við sær, men eftir 36 tímar í árabátinum kom hon til Flannanoyggjarnar. Allir sjey bjargaðust.