Ein nýggj kanning vísir, at nógv í USA stúra fyri tí sum stendur fyri framman, nú miðskeiðisval verður um tveir mánaðir.

Kanningin, sum Gallup og Kettering Foundation hava gjørt millum meira enn 23.000 fólk, vísir, at 67 prosent óttast, at politikarar fara at leggja trýst á valábyrgdarfólk. Samstundis stúra 57 prosent fyri, at atkvøður ikki verða rætt handfarnar, og 52 prosent fyri hóttanum á sjálvum valstøðum.

Heili 73 prosent eru bangin fyri fleiri trupulleikum samstundis. Demokratar mistrúgva serliga Trump, meðan republikanarar óttast ólógligar atkvøður – hóast lítil prógv eru fyri tí.

Støðan vísir eina djúpa álitisneyð í USA, og nógv halda, at amerikanska fólkaræðið skal standa sína roynd á miðskeiðisvalinum sum verður 3. november.