Merkisvert við løgtingsvalinum hesaferð er, at bara ein borgarstjóri stillar upp. Tað skrivar netsíðan valúrslit.fo.

Tað er Ólavur Fríði Nybo, sum er borgarstjóri í Kunoyar kommunu. Hann stillar upp fyri Javnaðarflokkin.

Eitt tíðarskeið var annars vanligt, at nógvir borgarstjórar royndu at sleppa í Løgtingið.

Í 2015 stillaðu 14 borgarstjórar upp, og í 2019 stillaðu 10 borgarstjórar upp.

Á løgtingsvalinum í 2022 vóru teir hinvegin bara tríggir, og hesaferð er tað so bara ein borgarstjóri, sum bjóðar seg fram sum valevni.