Skúlablaðið: Av Norðurlondum eru tað bara Føroyar, sum hava havt framgongd í náttúruvísindum og støddfrøði sambært nýggjastu PISA-kanningini. Føroyska afturgongdin í lesing var minni, enn afturgongdin var í Danmark, Noreg og Svøríki, men størri enn í Íslandi og Finnlandi.

Føroyar eru nr 26 í støddfrøði, nr 27 í lesing og nr 28 í náttúruvísindum – í nýggjastu PISA-kanningini, sum varð løgd fram í gjár. Seta vit Føroyar saman við hinum Norðurlondunum sum heild, so er Finnland framvegis fremst, Svøríki á øðrum plássi, síðan Danmark og Noreg. Eftir Noreg koma Føroyar og niðast er Ísland.

Tá ið talan er um úrslitið hjá føroyskum næmingum, so er lítil framgongd í náttúruvísindum og støddfrøði, og afturgongd í lesing. Úrslitini hjá hinum londunum eru ikki eins góð sum undanfarnu kanningar; hjá fleiri hava úrslitini ongantíð verið so vánaligt sum í nýggjastu kanning.

Les meira her