Løgreglan mátti brúka lurkar, og í minsta lagi trý fólk vórðu handtikin, tá mótmælisgongur endaðu við ófriði í Keypmannahavn í dag.

Felagsskapurin Det Danske Folk skipaði fyri mótmælisgongu til frama fyri donskum virðum, mentan og tjóðskaparligum samanhaldi og ímóti sharia og átrúnaðarligum sosialum eftirliti.

Samstundis skipaðu fleiri felagsskapir fyri mótmælisgongu ímóti rasismu og mismuni.

Samanbrestir vóru millum partarnar, og løgreglan mátti fleiri ferðir leggja uppí. Ófriður var millum annað á Østerbrogade og við Østerport.

Tey handtiknu eru skuldsett fyri harðskap móti løgregluni, at hava fýrverk og at hava rúsevni, upplýsir løgreglan sambært Ritzau.

les meira