Politikkur
Íbúgvar í Miami hava saksøkt amerikanska forsetan, Donald Trump, og statin Florida.
Hetta hendir eftir at næstan 3 hektarar av jørð, sum einaferð hoyrdu til Miami Dade College, ólógliga vórðu latnar amerikanska forsetanum, stendur í ákæruritinum, sambært TV 2.
Lendið skal eftir ætlan brúkast til at byggja eitt forsetabókasavn, sum kemur forsetanum til góðar fíggjarliga, stendur í ákæruritinum.
Men í amerikansku grundlógini er ein klausul, sum bannar einum sitandi forseta at fáa persónligan vinning, ágóða ella fyrimun av sínum embæti. Tað skrivar The Guardian.
Um tú veitst okkurt, sum VP ikki veit - skriva so til vp@vp.fo
