Svar til skrivligan fyrispurning nr. 52-009/2026 frá Eiriki í Jákupsstovu, løgtingsmanni, settur landsstýrismanninum í vinnumálum, Jacob Vestergaard, um útvarp í Viðareiðistunnlinum. 

Fyrispurningurin er soljóðandi: 
1. Hvussu langt er arbeiðið við at gera útvarpssamband í Viðareiðistunlinum komið?

2. Nær verður hetta arbeiðið liðugt?

Svar til spurning 1 og 2 
Viðareiðistunnilin var liðugur í 2016, men eingin játtan hevur verið til at fáa útvarpssambandið í lag fyrr enn í ár.

Arbeiðið upp á útvarpssambandið er í gongd, og sambært tíðarætlanini verður tað avhendað 22. september 2026, og tá fer útvarpið at hoyrast í tunlinum.   

Jacob Vestergaard 
landsstýrismaður