Skrivligur fyrispurningur eftir § 52a í Tingskipanini 
Spyrjari: Sunnvá Dahl Høgfeldt, tingkvinna 
Svarari: Jacob Vestergaard, landsstýrismaður í vinnumálum 
Evni: Nýtsla av el-súkklum í ferðsluni

Spurningar:  
1. Hvørjar ferðslureglur eru galdandi fyri el-súkklur í Føroyum, harundir hámarksferð? 
2. Er aldursmark fyri at brúka el-súkklu í Føroyum? 
3. Eru ymiskar reglur galdandi fyri ymisk sløg av el-súkklum?

Viðmerkingar: 
Tað er vorðið alsamt vanligari at brúka el-súkklu í Føroyum. Í ferðsluni eru fleiri el-súkklur at síggja, og eisini eru børn og ung, ið nýta hesar el-súkklur.  

Fleiri ivamál eru millum foreldur og vanligar borgarar, um hvørjar treytir og reglur eru galdandi fyri nýtslu av el-súkklum, og tí vil eg við hesum spurningi fáa landsstýrismannin í ferðslumálum at nágreina, hvørjar reglur eru galdandi á økinum.

Hetta fyri at skapa gjøgnumskygni og upplýsa, um øll hava lógliga atgongd til el-súkklur, um ymiskar treytir eru galdandi fyri ávísar el-súkklur, og um aldursmark ella aðrar treytir eru fyri el-súkklum í Føroyum. 

Á Løgtingi, 24. septembur 2026 
Sunnvá Dahl Høgfeldt