Limir í Evropatinginum vilja hava Gianni Infantino kannaðan fyri hansara leiklut í at lata amerikanska forsetanum Donald Trump fyrstu friðarheiðurslønina hjá FIFA.

Í einum felags brævi til skrivstovuna hjá FIFA, sum varð almannakunngjørt mánadagin, krevja 50 ES-politikarar, at etiska nevndin í FIFA skal kanna Infantino fyri møguligt brot á meginregluna hjá fótbóltsfelagnum um politiskan neutralitet við alment at stuðla Donald Trump.

- Henda klagan umboðar ein møguleika hjá FIFA at vísa sína raðfesting av politiskum neutraliteti, gjøgnumskygni og ábyrgd, stendur í skrivinum, skrivar DR.