Enn er tað ikki alment, men sambært Reuters skal eitt europeiskt mótsvar til friðarætlanina hjá USA vera á veg.

Í tí stendur, at ukrainski herurin kann vera 800.000 hermenn, og ikki 600.000, sum USA hevur skotið upp.

Ukraina fær ongan Nato limaskap, men USA skal binda seg at vera við til at tryggja friðin gjøgnum eina skipan sum líkist grein fimm í verjusamgonguni. Ukraina skal binda seg til ikki at taka landaøki aftur við hermegi, sum Russland longu hevur tikið, men londini bæði skulu samráðast um hetta. Og val skal vera í Ukraina skjótast gjørligt.