Samtakið P/F Farcod hevði eitt hall á 14,8 milliónir krónur eftir skatt í 2025. Árið fyri var úrslitið eitt avlop á 26,4 milliónir krónur.

Úrslitið áðrenn fíggjarpostar var eitt hall á góðar fimm milliónir krónur, samanborið við 35,5 milliónir krónur í halli í 2024. Fíggjarligu útreiðslurnar vóru tó høgar og gjørdu, at úrslitið áðrenn skatt endaði við einum halli á 17,8 milliónir krónur.

Farcod sigur, at úrslitið serliga er ávirkað av minni veiði eftir toski og lækkandi toskaprísum. Samtakið fevnir millum annað um dótturfeløgini Enniberg, Ametyst og Havborg.

Við árslok hevði samtakið ognir fyri 714,2 milliónir krónur og ein eginpening á 316,4 milliónir krónur. Samlaða skuldin var 368,1 milliónir krónur. Í miðal vóru 80 starvsfólk í samtakinum í 2025.

Leiðslan væntar batnandi rakstur í 2026 og metir, at ársúrslitið verður eitt avlop millum fimm og 20 milliónir krónur.