Ein flogskipari hjá Icelandair skal standa skúlarætt, eftir at hann í gjár fleyg sera lágt, onkur sigur bert einar 100 metrar, yvir heimbygd síni á Vestmannaoyggjum. Søgurnar siga, at hetta var seinasti túrurin hjá honum, og tí vildi hann gera okkurt eyka við stóra Boeing 757 ferðafólkaflogfarinum. 

Fólk á staðnum sum filmaðu hendingina siga, at tað sá sera ógvusligt út, og nógv ivaðust ikki í, at flogfarið fór at detta niður.

Hjá Icelandair siga tey, at flogskiparin á ongan hátt hevði fingið loyvi til tað, hann gjørdi. 

- Í flogvinnuni er alt stýrt av føstum mannagongdum og kekklistum og hetta hevur onki við tað at gera, sigur Linda Gunnarsdóttir, sum er stjóri fyri flogskipararnar hjá Icelandair, sum nú ætlar at kanna tilburðin gjølla.

Síggj video her