Flogferðslan er framvegis tarnað av álopi frá teldusníkum, tó ikki eins nógv og í gjár.

Onkur serfrøðingur hevur verið frammi og sagt, at Russland stendur aftanfyri, men ongin hevur tó tikið ábyrgdina av álopunum sum hava rakt fleiri stórar floghavnir í Europa og elvt til seinkingar og avlýsingar.

Sambært miðlinum Travel and Tour World er Air Iceland rakt av álopinum, og rutur úr Keflavík til fýra floghavnir, teirra millum Grønland og Føroyar eru raktar. Men sambært heimasíðuni hjá Vága Floghavn kemur flogfarið úr Keflavík sum ætlað klokkan 13.55 í dag.