Fyriskipararnir av Faroese Music Awards (FMA), ið eru Tónleikasamband Føroyar, Kringvarp Føroya og Løkshøll, boða frá at næsta Faroese Music Awards verður hildið í Løkshøll í Rúnavík tann 26. februar 2027.

Tónleikasamband Føroya ynskir, at FMA skal vera eitt tiltak, sum umboðar føroyska tónleikapallin um alt landið. Tí gleða vit okkum sera nógv at síggja, hvussu FMA fer at taka seg út í Løkshøll, og vit vænta okkum eitt heilt serligt kvøld í Runavík. Kvøldið er ein hátíðarlig løta, har tónleikarar, bólkar, sangarar og onnur, sum hava sett síni spor á føroyska tónleikaheimin, fáa høvi at verða heiðrað fyri sítt arbeiði og síni avrik.

Á skránni eru eisini livandi tónleikaframførslur frá ymiskum føroyskum tónleikarum. FMA savnar soleiðis føroyska tónleikaheimin til eitt serligt kvøld, har tónleikurin og tey, sum skapa hann, eru í miðdeplinum.

Tiltakið verður sent beinleiðis í sjónvarpinum hjá Kringvarpi Føroya, so øll kunnu fylgja við, tá virðislønirnar verða latnar og bestu avrikini í føroyskum tónleiki verða heiðrað.