Partabrævið hjá føroyska oljufelagnum Atlantic Petroleum, sum í nógv ár hevur havt tað sera trupult fíggjarliga, er seinastu tíðina vaksið sera nógv í virði. Partabrævið kostaði við ársskiftið og heilt fram til síðsta mánaðarskifti millum tvær og tríggjar krónur. Men hesar seinastu dagarnar er virðið vaksið til nærum 9 kr, sum er ein hækking uppá smá 300% seinasta mánaðin. 

Partabrævið hjá Atlantic Petroleum er vaksið 400% í virði í eitt ár.

Ongar fráboðanir eru komnar frá felagnum, men viðmerkjarar halda, at ógvusliga príshækkingin hevur samband við oljuprísin, sum er nógv hækkaður seinastu dagarnar.

- Tað bøtur um inntøkurnar hjá felagnum, men um tað fer at halda fram hongur helst saman við oljuprísinum, sigur Haider Anjum, greinari frá Jyske Bank við miðilin Finans.