Samtakið hjá Framherja hevði 114 milliónir krónur í avlopi eftir skatt í 2025. Tað er stívliga tvífalt so nógv sum árið fyri, tá avlopið var nærum 47 milliónir krónur.

Nettosølan vaks úr nærum 625 milliónum krónum í 2024 upp í stívliga 838 milliónir krónur í fjør. Úrslitið áðrenn skatt var 146 milliónir krónur, samanborið við nærum 60 milliónir árið fyri.

Leiðslan sigur, at raksturin hjá samtakinum hevur verið góður. Ein partur av framgongdini stavar tó frá stórum niðurskrivingum í 2024 og afturføring av niðurskrivingum í 2025 í sambandi við ognarpartin í Globe Tracker.

Samtakið hevði ognir fyri stívliga 1,5 milliardir krónur við árslok. Eginognin var nærum 530 milliónir krónur, meðan samlaða skuldin var stívliga 849 milliónir.

Tøki peningurin vaks úr nærum 97 milliónum krónum upp í 190 milliónir. Í miðal vóru 155 starvsfólk í samtakinum.

Leiðslan væntar eitt vanligt rakstrarár í 2026 við einum úrsliti á nærum sama stigi sum í 2025.

Anfinnur Olsen er stjóri.