Vit sóu tað síðsta ár, og nú síggja vit tað tíverri aftur í ár.
Borgarstjórin og tann vinstravenda samgongan í Tórshavnar býráð gevur enn eina ferð einum felagskapi sersømdir, sum gongur ímóti flestu kristnum og siðsøguligum virðum í Føroyum.
Og borgarstjórin og samgongulimir ganga enntá sjálvar á odda við at mála strípurnar á vegin í Steinatúni.
Sum býráðslimur fyri Fólkaflokkin vil eg staðiliga mótmæla at Steinatún og Havnin á henda hátt verður mála við lgbt+ litum.
Eg spyrji eisini enn einaferð borgarstjóran, Elsu Berg eins og eg gjørdi síðsta ár, tó uttan at fáa nakað greitt svar:
Hvør hevur givið loyvið til hetta?
Hevur hetta verið í avvarðandi nevnd ella í býráðnum til viðgerðar og støðutakan?
Hevur ferðslunevndin góðtikið hetta?
Og eru grannar í Miðbýnum hoyrdir?
Vónandi kann borgarstjórin svara okkum mongu borgarum, sum als ikki vilja góðtaka slíka vandalismu á vegnum í Miðbýnum, har børn, ung og eldri skulu ganga næstu dagarnar og á Ólavsøku.
Eg sigi bara: Grát mín elskaði býur.
Birgir Nielsen, býráðslimur
Fólkaflokkin í Tórshavnar Býráð
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
