Vínnýtslan í heiminum fall 2,7 prosent í fjør og er nú tann lægsta síðani 1961. Níggju av tíggju størstu vínmarknaðunum keyptu minni vín, sambært OIV, Altjóða felagsskapurin fyri vín og vínframleiðslu. 

Orsøkirnar eru millum annað hækkandi livikostnaður, broyttir drykkjuvanar og størri áhugi fyri alkoholfríum víni, skrivar abc.com.au.

Hetta rakar víngarðar í Australia meint. Útflutningurin er fallin sjey prosent og er nú tann lægsti í 22 ár. Minni enn 600 milliónir litrar vórðu útfluttir, og fleiri vínframleiðarar noyðast at lækka prísir, minka framleiðsluna og/ella taka vínplantur upp.