Ísrael hevur boðað USA frá síni stúran um Gasa-ætlanina, sum Donald Trump, forseti, júst hevur róst.

- Ísrael hevur miðlað sínar viðmerkingar og stúran um ætlaðu karmarnar til okkara amerikanska mótpart. Útgávan, sum er almannakunngjørd, endurspeglar ikki støðuna hjá Ísrael, sigur talsmaðurin fyri forsætisráðharraskrivstovuna, Doron Spielman, við AFP.

Trump sigur, at Hamas hevur játtað fulla avvápning, og at ísraelskar herdeildir fara at taka seg úr Gasa, tá avvápningin er liðug. Forsetin segði við tíðindafólk, at Ísrael er “sera nøgt” við gongdina, skrivar norska TV2.

Ísrael hevur støðugt víst stóran iva um avtaluna, sum amerikanski forsetin, Donald Trump, kunngjørdi hósdagin og síðani staðfest av Hamas.