Pärnu Kammerkoor úr Estlandi vitjar í Føroyum næstu dagarnar, og fer at halda konsertir í Vesturkirkjuni fríggjakvøldið klokkan 20.00 og í Gøtu Kirkju sunnukvøldið klokkan 19.00.

Kórið, sum varð stovnað í 2001, hevur verið sera virkið og havt nógvar sera góðar framførslur. Kórið hevur framført nógvan ymiskan tónleik, alt frá Jólaoratorium hjá Bach, og estlendskum klassikarum, til Chess hjá ABBA og Snjódrotningin hjá Olav Ehala. Tey hava framført í smáum kirkjum og stórum konserthøllum. Kórið hevur eisini luttikið í Song Battle kappingini í estiskum sjónvarpi, og hevur verið á konsertferðum í Týsklandi, Russlandi, Svøríki, Georgia, Danmark, og Eysturríki, og nú er túrurin so komin at vitja Føroyar.

Tey hava luttikið í fleiri kappingum við góðum úrslitum, sum t.d.:

Kórleiðarin, Elo Kesküla, er útbúgvin tónleikalærari og kórleiðari, og hevur gjørt nógvar útsetingar til kór, ensemble og orkestur.

Fleiri ferðir um árið er kórið á venjingarlegu, har stórur dentur verður lagdur á intensiva ræddarvenjing, siga fyrireikararnir.