Goymslan og Reingerðarmiðstøðin eru nú fluttar inn í nýggja H-bygningin, tað skrivar Landssjúkrahúsið á sínum facebookvanga, og goymslumøguleikarnir hava fingið eitt "ordans lyft" og starvsfólkið eisini rúmligari arbeðsumstøður, sigur leiðslan millum annað.

- Við nýggju staðsetingini er goymslan tættari at kliniska økinum hjá Landssjúkrahúsinum og fer hetta eisini at betra um viðgerðina hjá sjúklinginum.

Umframt Goymsluna er Reingerðarmiðstøðin flutt í H-bygningin. Reingerðarmiðstøðin tekur sær eitt nú av at vaska sengurnar hjá sjúklingunum, og við flytingini, og nýggjari tøkni, eru umstøðurnar hjá starvsfólkunum blivnar munandi betri. Við nýggjari reingerðartøkni er arbeiðið blivið meiri automatiserað, og starvsfólkini hava fingið nýggj kontór og nýggja uppihaldsstovu.