Landsstýrið ætlar at hækka partafelagsskattin hjá tí sum løgmaður nevnir fíggjarfyritøkur úr 18 upp í 22 prosent.

Í røðu síni til tingið segði Beinir Johannesen, løgmaður, at farið verður undir at hækka partafelagsskattin hjá fíggjarfyritøkum úr 18 prosentum upp í 22 prosent.

- Ætlanin er at hækka partafelagsskattin hjá fíggjarfyritøkum frá 18% til 22%. Fyrireikingarnar byrja beinanvegin. Broytingin kann í fyrsta lagi vera galdandi fyri skattaárið 2027, soleiðis at meirinntøkurnar koma í 2028. Mett verður, at tað fer at geva millum 25 og 35 mió. kr. í meirinntøkum til land og kommunur.