Fyri fyrstu ferð í meira enn 20 ár hevði stóra føroyska alifyritøkan Luna hall á botnlinjuni í fjør.

Úrslitið eftir skatt var hall á 14 milliónir krónur. Tað skal samanberast við vinning á góðar 77 mió kr árið fyri.

Sølan minkaði úr 1,244 mia kr í 2024 til 1,188 mia kr í fjør. Framleiðslukostnaðurin minkaði eisini, men aðrar útreiðslur vuksu, eitt nú til starvsfólk, rentur og ikki minst avskrivingar. 

Leiðslan sigur í frágreiðingini, at hon er ikki nøgd við úrslitið. Hon metir, at tøkan í ár verður lægri, og úrslitið fer at liggja millum 0 og 30 mió kr.

Luna er væl fyri at taka tey bakkøstini, sum máttu komið við einum fíggjarstøðujavna uppá 1,8 milliardir krónur og eini eginogn uppá 1,3 mia kr.

275 fólk arbeiddu hjá Luna í fjør.

Atli Gregersen er stjóri.