Tað er seinasti valdagur í Russlandi í dag. Russar skulu á fyrsta sinni síðani 2022, tá Russland leyp á Ukraina, velja nýtt tjóðarting.

Sambært borgarstjóranum í Moskva, Sergej Sobjanin, hava ukrainskar dronur heglað niður yvir býin, og minst tvey fólk eru deyð umframt at eitt oljureinsiverk hevur fingið skaða.

Valið byrjaði fríggjadagin, og tá tað endar í dag skulu 450 limir vera valdir í Dumuna, sum er undirhúsið í tjóðartinginum.

Eygleiðarar og viðmerkjarar ivast ikki í, at flokkurin Sameint Russland, sum stuðlar Vladimir Putin, forseta, fer at vinna nóg nógvar sessir til at varðveita valdið.

Flestu valevnini sum eru ímóti krígnum við Ukraina sluppu ikki at stilla upp.