P/F Nema hevði eitt munandi betri úrslit í 2025 enn árið fyri. Ársúrslitið eftir skatt var 5,3 mió kr samanborið við 103 tkr í 2024.

Bruttoúrslitið vaks úr 46,7 mió kr upp í 51,4 mió kr. Rakstrarúrslitið gjørdi eitt stórt lop og hækkaði úr 3,2 mió kr í 2024 til 8,8 mió kr í 2025. Samstundis minkaðu fíggjarligu nettokostnaðirnir úr 3,7 mió kr niður í 3 mió kr.

Nema hevði 55 starvsfólk í miðal í 2025 móti 62 árið fyri. Samlaðu starvsfólkakostnaðirnir vóru 33,6 mió kr.

Við árslok vóru ognirnar 74 mió kr. Eginognin var 5,5 mió kr samanborið við 4,2 mió kr árið fyri. Felagið hevði 40 mió kr í langtíðarskuld.

Leiðslan skjýtur upp at lata 4 mió kr í serstøkum vinningsbýti.

Gudny Langgaard er stjóri.