Benjamin Netanyahu, forsætisráðharri, sigur, at Ísrael harmast stórliga um álopið, sum rakti Nasser-sjúkrahúsið í Gasageiranum í dag.

– Ísrael harmast syrgiligu hendingina, sum hendi í dag á Nasser-sjúkrahúsinum í Gaza, sigur ísraelski forsætisráðharrin í eini fráboðan.

Ísrael leyp mánadagin á sjúkrahúsið Nasser í suðurpartinum av Gasageiranum og drap í minsta lagi 20 fólk, teirra millum fimm journalistar, sum arbeiða fyri Reuters, Associated Press, Al Jazeera og onnur, skrivar TV2.