Sambandsflokkurin á Fólkatingi: Í løtuni hava vit ein søguligan møguleika: samgongan í Føroyum er samd um ein leist, har sjálvsavgerðarrætturin skal staðfestast, vit skulu fáa fleiri uttanríkispolitiskar heimildir og hetta skal gerast innanfyri karmarnar í Ríkisfelagsskapinum.

Harumframt hava skiftandi danskar stjórnir eisini viðurkent, at broytingar mugu til.

Við øðrum orðum: Danmark ynskir broyting. Føroyar ynskja broyting. Vit eru samd um leistin. Nú er at smíða meðan jarnið er heitt.

Tað var greiði boðskapurin hjá Annu Falkenberg til setanarorðaskiftið í Fólkatinginum.