Tá tú fært staðfest krabbamein, ímynda tey flestu sær nokk, at viðgerðin verður antin skurðviðgerð ella kemoterapi. Men í framtíðini kann eitt lítið prik undir húðina fáa avgerandi týdning fyri fleiri krabbameinssjúklingar.
Ein nýggj altjóða kanning í 11 londum hevur testað ávirkanina av eini nýggjari krabbameinsviðgerð, sum er ein innspræning líka sum ein koppseting. Og her vísa fyribils royndarúrslitini, at viðgerðin hevur megnað at minkað og í summum førum heilt burturbeint svull hjá sjúklingum.
Viðgerðin av 102 sjúklingum við krabbameini í høvdi og hálsi er kannað. Sjúklingarnir høvdu antin havt afturvendandi krabbamein ella høvdu ikki fingið lekin við øðrum viðgerðum sum kemoterapi og immunterapi.
Um tú veitst okkurt, sum VP ikki veit - skriva so til vp@vp.fo
