Løgreglan boðar nú frá, at onki illgrunasamt er viðvíkjandi hendingini í Fuglafirði fyrr í vikuni, tá ein 24 ára gamal maður varð funnin deyður.

Leysasøgur gingu um, at maðurin var skotin, og løgreglan var hjástødd við nógvum fólki eins og vegurin, har maðurin búði og varð funnin deyður, var avbyrgdur. Tá vildi løgreglan onki siga. 

Men í morgun sigur politiið, sum eisini hevur fingið hjálp frá serfrøðingum í Danmark til at kanna hendingina, at onki illgrunasamt er hent. Tað merkir við øðrum orðum, at ongin er ella verður skuldsettur í samband við hendingina.