SámalSunnudag: Alsamt fleiri útlendingar búgva í Føroyum. Sambært Hagstovuni er talið á íbúgvum í Føroyum uttan bústaðatilknýti ferfaldað síðani 2012 og tvífaldað síðani 2020.

Tilflytingin tekur dik á seg.

Talið á útlendingum í Føroyum er enn hægri enn hetta, tí við tíðini fáa teir bústaðartilknýti og hava tá vónandi verið ígjøgnum eina nøktandi integratións-tilgongd.

Ikki bert útlendsk børn, men eisini føroysk hava avbjóðingar við føroyska málinum: “Fleiri og fleiri næmingar tosa enskt sínamillum, og fleiri og fleiri næmingar hava vánaligari mál, hava færri orð, og vita ikki hvussu orðið er á føroyskum. Tey vita ofta betri, hvat orðið eitur á enskum,” sigur Fridrikka Kjeld, serlærari. “Avleiðingin kann vera, at tey duga ov fá orð. Hesi børnini kunnu fáa serligan tørv, sjálvt um tey ikki hava serligan tørv. Hjá teimum er tað bara málførleikin, sum manglar.” 

Les meira