Tøknirisin OpenAI hevur í seinastuni sæð fleiri dømi um, at vitlíki hevur gjørt óvæntaðar og órógvandi gerðir, tað als ikki er biðið um at gera, og tí hevur fyritøkan nú fyribils valt at gevast at venja nýggjastu AI-agentarnar. 

Á dr.dk stendur, at hetta hevur OpenAI gjørt, tí tey stúra fyri at missa tamarhald á nýggju tøknini.

Ein AI agentur er øðrvísi enn ein sonevndur chatbottur, tí agenturin kann gera aðrar gerðir, so sum at trýsta á ein knøtt á telduni.

Vitlíkistøknin hjá OpenAI hevur millum annað, uttan at verða biðin um tað, hakkað seg inn á almennar heimasíður og skaffa sær trúnaðarupplýsingar.

Stjórin í OpenAI, Sam Altman, segði herfyri við ST trygdarráðið, at hann heldur altjóða leiðreglur eiga at gerast fyri menningina av vitlíki. Og stjórin í vitlíkisfyritøkuni Anthropics, Dario Amodei,  sigur seg stúra fyri, at vitlíki kann vera ein hóttan ímóti mannaættini sum heild, um tað ikki verður handfarið rætt.