Hóast arbeiðsloysið stóð í stað, rindaði ALS munandi meira í arbeiðsloysisstuðli í 2025 enn árið fyri.

Tað sæst í ársfrágreiðingini hjá ALS.

Arbeiðsloysið var í miðal eitt prosent bæði árini, men útgjøldini vuksu úr 58,4 milliónum krónum í 2024 upp í 69,7 milliónir í 2025.

Tað er ein vøkstur á 11,3 milliónir krónur, ella góð 19 prosent.

Ein orsøk er, at hámarksútgjaldið varð hækkað úr 18.500 krónum upp í 22.434 krónur um mánaðin.