Skandinaviska flogfelagið SAS meira enn tvífaldaði talið á ferðafólkum í oktober mánað í mun til somu tíð í fjør.
Men tað er framvegis langt til tey tølini sum vóru áðrenn korona. Verða tølini í oktober í ár samanborin við oktober 2019, so restaði framvegis helvtin í, vísa tøl frá SAS sum ritzau endurgevur úr.
Hóast tað gongur rætta vegin, so eru ikki allar súður syftar, langt frá tí. Tað er ikki meira enn fáar vikur síðani at forstjórin, Anko van der Werff, segði, at SAS framvegis stríðist fyri lívinum og skal spara nógv afturat á útreiðslusíðuni.
SAS fekk eina milliardainnspræning frá danska og svenska statinum tá ringast stóð til undir koronakreppuni.
Um tú veitst okkurt, sum VP ikki veit - skriva so til vp@vp.fo