Ein felagsskapur sum hjálpir skaddum og sjúkum flogskiparum á føtur aftur fekk innbjóðing til at koma at venja í flogsimulatorinum hjá Atlantic Airways í Vágum.

Aftaná vóru teir púra málleysir.

Tað sæst í grein í miðlinum Halldale.com, sum skrivar breitt um flogferðslu og loftverju.

Á eini messu í fjør kom umboð frá Atlantic Airways framvið básinum hjá felagsskapinum Wings for Worriors, sum stuðlar flogskiparum og øðrum sum starvast innan loftverju, men hava fingið mein og hava brúk fyri hjálp at koma aftur í vinnuna.

- Vit hugsaðu ikki nógv um tað í teirri løtuni, men gjørdu kortini av at fara. Og eg má bara siga, at eg var sera ovfarin av, hvussu nógv vit fingu burturúr og hvussu væl alt riggaði hjá teimum, sigur Mark Radcliffe, sum umboðar felagsskapin.

- Vit koma heilt sikkurt aftur, leggur hann afturat.

Les meira