Sjey arbeiðsleys brúktu í 2025 allan rættin til arbeiðsloysisstuðul og fullu fyri markinum á 648 dagar.

Tað eru fleiri enn undanfarin ár. Bæði í 2023 og 2024 vóru tað bert tvey fólk, sum brúktu alt stuðulstíðarskeiðið.

Talið á langtíðararbeiðsleysum lá millum 21 og 29 fólk í 2025. Tey vóru millum átta og 13 prosent av øllum arbeiðsleysum.

Flestu arbeiðsleysu eru tó stutt í skipanini. Meira enn helvtin fer úr ALS innan tríggjar mánaðir og 80 prosent innan eitt hálvt ár.