Tennissambandið: Føroyar luttaka á fyrsta sinni í World Tennis heimsmeistarakapping fyri kvinnu- og manslandslið. Kappingin fer fram í Lissabon og Oeiras í Portugal frá 2.-7. august.

M40 liðið við Nicholas Thor Lind Petersson á odda hava fleiri góð úrslit at vísa á, m.a. ein liðsigur á Suðurafrika, ein einstaklingasigur á Argentina og júst nú spæla vit avgerandi tvídyst móti Svøríki eftir at Nicholas vann sannførandi á svenska mótstøðuleikaranum í 1.einstaklingadystinum 6-2; 6-0.

Sí meira á Instagram-vanganum hjá Tennissambandi Føroya (tennis.fo): trýst her

Hetta er søgulig luttøka fyri føroysku tennislandsliðini, og tískil eisini søguligir sigrar hjá Føroyum í altjóða tennishøpi. 

Føroyar gjørdist limur í World Tennis (áðurnevna ITF) og Tennis Europe 1.januar í ár.