Fólk í Kalsoynni hava ikki verið nøgd við atløguviðurskiftini hjá ferjunum, men nú boðar Strandferðslan frá, at fleiri ábøtur eru gjørdar.

Nýggjur gelendari er settur upp á uttara partin av rampuni, eisini eru pláturnar ímillum rampuna og asfaltið nú sveisaðar fastar, so tær ikki verða trýstar upp av brimi.

- Mett verður nú um, hvussu ið atløguviðurskiftini hjá Sam á høgætt kunnu tryggjast betur, verður sagt.

Nýggja rampan er í fyrstu atløgu gjørd til Teistan og nýggju kalsoyarferjuna, men skal eisini kunna brúkast av Sam.

Teistin hevur royndarsiglt á kalsoyarleiðini í nakrar vikur og fer at halda áfram við skipaðari royndarsigling.