Valúrslit: Tað eru færri og færri, sum stilla upp til løgtingsval. Tá Føroyar vóru skipaðar sum eitt valdømi til løgtingsvalið í 2008 løgdu flokkarnir seg eftir at savna ein størri part av atkvøðunum hjá einstøkum valevnum, og tølini siga, at tað hevur ávirka hugin at stilla upp.

Í 1998 vóru 272 valevni. Í 2026 eru tey 160.

Í Hvalbiar kommunu, har tað búgva 628 fólk í Hvalba, Sandvík og á Nesi, er einki valevni hesaferð. Í Viðareiðis kommunu, sum telir 333 fólk, er heldur einki valevni. Í Kvívíkar kommunu er eitt valevni, sum hevur bústað á Stykkinum, men einki valevni hevur bústað í Kvívík, har tað búgva omanfyri 400 fólk. Og einki valevni hevur bústað í Sumba hesaferð – eitt valevni býr kortini á Økrum, sum er partur av Sumbiar kommunu.

Nógv tey flestu av teimum, sum stilla upp hesaferð, hava skrásettan bústað í Havn. 74 valevni búgva í Tórshavn, Hoyvík og á Argjum, umframt eitt valevni á Hvítanesi.

Sí meira her