"Tað eru viðurskifti í tínari starvsútinnan sum stjóri á Strandfaraskipum Landsins, sum ikki verða mett at vera nøktandi. Hetta snýr seg m.a. um, at TAKS hevur staðfest, at nógv vøra var umborð á Smyril, sum ikki var uppgivin sambært tolllógini, tá Smyril kom aftur til landið tann 13. oktober 2025."

Soleiðis stendur í skrivi sum aðalstjórin í Fiskimálaráðnum, Elin Mortensen, hevur sent til stjóran á Strandfaraskipum Landsins, Niels Juel Arge.

KvF hevur fingið innlit í samskiftið, og sambært tí er málið ikki avgreitt enn.

"Vísandi til at tað, sum kemur fram á fundinum, kann fáa starvsfólkarættarligar fylgir, verður tú biðin um at hava eitt hóskandi umboð við á fundin", verður víðari sagt í skrivinum.