Í D&V í kvøld 9. apríl 2026 verður tikið fram úr nýggja samgonguskjalinum, at næstu tíggju árini skulu 8% av fíggjarlógini hvørt ár brúkast til íløgur.
Hetta svarar til umleið 700 mió um árið ella 7 mia. í tíggju ár.
Búskaparráðið sigur, at 5 mia. skulu brúkast til Suðuroyartunnil og 1½ mia. til Campus, og at so er onki eftir (½ mia) næstu tíggju árini til aðrar íløgur.
So eru útlit til langtíðarhaldføri heilt av skriðuni vegna Suðuroyartunnil og Campus.
Løgmaður sigur, at næstu tíggju árini skal 1 mia. setast í Suðuroyartunnil, harav 350 mió úr Íleggingargrunninum og restin av fíggjarlógini. Tað vil so siga 650 mió. í tíggju ár ella 65 mió. um árið.
Tí er nógv eftir av teimum 700 milliónunum árliga til allar møguligar aðrar íløgur og sostatt eru útlit til langtíðarhaldføri á góðari leið.
Eg undrist og staðfesti, at tað er ein heilt øgiligur munur á myndunum, sum verða málaðar.
Royters
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
