Ein svenskur ríkisborgari varð í gjár avrættaður í Iran. 

Talan var um eitt fólk sum síðani 2019 hevur havt bæði svenskan og iranskan ríkisborgaraskap. Viðkomandi varð í juni í fjør handtikin og ákærdur fyri at njósnast fyri Ísrael.

Svenski uttanríkisráðharrin, Maria Malmer Stenergard, sigur við tíðindastovuna TT, at svenska konsulátið royndi til tað síðsta at hjálpa ríkisborgaranum, men sum diplomatisku viðurskiftini ímillum londini eru, var tað sera trupult.

Sambært mannarættindafelagsskapum er Iran millum tey londini í heiminum, sum fremja flestar avrættingar. Onkrir felagsskapir siga, at minst 1.000 fólk vórðu avrættað í fjør, aðrir siga, at talið er nærri 1500.