Í dag verður Tórshavn Marathon runnið í høvuðsstaðnum. Starturin er klokkan 13, og luttakararnir sleppa at royna seg á rutum gjøgnum býin, fram við sjónum og til Kaldbak.

Kappingin fevnir um fleiri teinar, millum annað maraton, hálvmaraton, 10 kilometrar og 5,5 kilometrar.

Fyriskiparin Bragdið lýsir renningina sum eina blanding av býarlívi, brekkum og føroyskari náttúru, og aftur í ár verður væntað, at bæði rennarar og áskoðarar seta lív í Havnina.

Nógvir útlendingar eru eisini við. Fólk úr 30 londum eru við í kappingini.

Fleiri vegir eins og Eysturoyartunnilin verða stongdir í samband við renningina.

Yvirlit er á heimasíðuni hjá kommununi.