Tað var tí at Iran bleiv við at bróta avtaluna um vápnahvíld, at USA bæði í gjár og fríggjadagin framdi álop á Iran. Tað sigur amerikanski forsetin, Donald Trump, í einum boðum, eftir at USA fyrst fyrradagin og aftur í gjár framdi álop á dronuverksmiðjur og radarstøðir í Iran.

- Kanska læra tey tað ongantíð. Men vit kunnu ikki blíva við at vera so rímilig og noyðast at taka sterkari vápn í brúk, og so er onki Iran til meir, sigur forsetin millum annað.

Iranska kollveltingarhirðan sigur hinvegin, at tað var USA sum fyrst breyt avtaluna um frið sum londini bæði skrivaðu undir í Islamabad herfyri. Hon sigur, at fleiri álop eru væntandi ímóti amerikanskum málum í Kuwait og Bahrain.