Bláar æðrar og hovin bein koma ikki av ongum, og í eina tíð hava gitingar verið um, at amerikanski forsetin ikki er frískur.

Men nú hava Hvítu Húsini latið almenningin vita, hvat tað er sum er galið við 79 ára gamla Donald Trump, forseta.

Og kroniska æðrasjúkan, sum hann hevur, er ikki nakað álvarsligt ella ókent ímillum fólk í hansara aldri.

- Hann fær lætt blá merki og hevur hovin bein og hovnar hendur, tað kemst millum annað av heilivági, hann tekur, og at hann í heilum skal taka í hondina á fólki, sigur talskvinna, Karoline Leavitt, hansara millum annað.

- Men forsetin hevur tað gott, onki álvarsligt er á vási, og hann gongur til regluligar kanningar hjá lækna, legði hon afturat.