Amerikanski forsetin kom við einum heilt óvanligum lyfti á flokstinginum hjá republikanarunum, sum var í Dallas í Texas í gjár.

Hann segði, at um republikanararnir varðveita meirilutan bæði í Senatinum og Umboðsmannatinginum á miðvalinum sum verður 3. novembur, so skulu allir amerikanararar fáa 5.000 dollarar afturfyri.

- Vit kalla tað Trump vinningsbýti. Vinna Republikanararnir, so vinna tit saman við okkum, segði Donald Trump millum annað. 

Hann segði onki um, hvar pengarnir skulu koma frá, og fleiri amerikanskir miðlar hava síðani viðgjørt spurningin, hvørt tað yvirhøvur er lógligt, sum forsetin ætlar at gera.