Hann fær ikki smoygt sær uttanum.

Amerikanski forsetin, Donald Trump, skal rinda góðar 36 milliónir krónur í endurgjaldi fyri kynsligan ágang og ærumeiðing til høvundan E. Jean Carroll.

Amerikanski hægstirættur avgjørdi tað í dag, skriva millum annað Reuters, The New York Times og CNN.

Donald Trump hevði kært upprunaliga málið, men síðst í juni noktaði rætturin at viðgera hansara kæru, skrivar TV 2.

Hann hevur eftirfylgjandi biðið rættin um at umhugsa sína avgerð av nýggjum – og rætturin hevur nú aftur víst málinum frá sær, og harvið upplýst, at hann skal gjalda bótina.

Í einum øðrum máli, sum er knýtt at hesum, hevur ein kærudómstólur í New York álagt Donald Trump at rinda endurgjald, sum svarar til 83,3 milliónir dollarar – góðar 535 milliónir krónur – til høvundan fyri ærumeiðing, skrivar TV 2.