Ukraina hevur skjótt ikki fleiri Patriot rakettir eftir. 

Rakettirnar eru sera týdningarmiklar í verjuni av Ukraina. Tað kom til sjóndar í nátt, tá bert ein av 27 russiskum jørð-til-jørð rakettum vórðu skotnar niður, áðrenn tær raktu málið. Tilsamans vóru 35 raktettir 185 álopsdronur sendar úr Russlandi ímóti málum í Ukraina í nátt. Serliga høvuðsstaðurin Kyiv, men eisini landspartarnir Dnipro, Sumy, Kharkiv og Poltava stóðu fyri skotum, upplýsir ukrainski forsetin.

Tað er USA sum framleiðir Patriot rakettirnar, og tað hevur verið uppá tal, at Ukraina sjálvt skal sleppa at framleiða tær, men amerikanarar hava enn ikki givið grønt ljós.

Minst 9 fólk lótu lív og minst 30 fingu skaða av russisku álopunum á Ukraina síðstu nátt.