Danir hava leingi kjakast um úlvarnir, sum eftir øllum at døma liva vilt í Danmark, eru til ampa fyri fólk. Nú hava nýggjar upptøkur frá einum manni, sum kendi seg hóttan, lagt afturat kjakinum.

Maðurin var ein rennitúr sunnan fyri Råbjerg Mile í Norðurjútlandi, tá ein úlvur við hvølpi kom eftir honum.

Sí videoupptøkur her

Kjakið um úlvin í Danmark snýr seg í høvuðsheitum um, hvussu javnvágin skal finnast millum at verja úlvin sum ein natúrligan part av donsku náttúruni og at verja húsdjór og fólk, samstundis sum reglurnar fyri at skjóta úlv eru vorðnar linari.

Í samrøðu við TV2 sigur Christian Rabjerg Madsen, sum er ráðharri fyri náttúru og djóravælferð, at hann fer at leita sær hjálp hjá útlendskum serfrøðingum, eftir hendingarnar.