Sunnudagin verður boðað frá nógvum vindi, og tað ávirkar triðja umfar í MeistaraDeildini hjá monnum - Mynd: Jens Jákup Hansen
Sunnudagin verður boðað frá nógvum vindi, og tað ávirkar triðja umfar í MeistaraDeildini hjá monnum - Mynd: Jens Jákup Hansen
Sunnudagin verður boðað frá nógvum vindi, og tað ávirkar triðja umfar í MeistaraDeildini hjá monnum - Mynd: Jens Jákup Hansen
FSF: Fríggjakvøldið er fyrsti dystur í triðja umfari í MeistaraDeildini hjá monnum á skránni, tá EB/Streymur fær vitjan av KÍ við Margáir í Streymnesi.
Síðani skuldu hinir fýra dystirnir verða spældir sunnudagin 22 . mars.
Men orsaka av keðiligari veðurforsøgn hevur kappingardeildin hjá Fótbóltssambandi Føroya avgjørt at avlýsa allan fótbólt sunnudagin, og í staðin framskunda tríggjar dystir til leygardagin og útseta ein dyst til mánadagin.
B36 og B68 spæla leygardagin klokkan 17:00, og ein tíma seinni, klokkan 18:00 byrjar dysturin millum 07 Vestur og Skála, og klokkan 18:30 fara NSÍ og AB á vøllin.
Fimti dysturin í triðja umfari, sum er millum Víking og HB, verður fluttur til mánakvøldið 23. mars klokkan 18:30.
Veðrið ávirkar eisini fyrsta umfar í MeistaraDeildini hjá kvinnum. NSÍ og Skála møtast við Løkin í Runavík fríggjakvøldið klokkan 19:00, meðan enn óvist, nær hinir tríggir dystirnir í fyrsta umfari verða spældir.
Um tú veitst okkurt, sum VP ikki veit - skriva so til vp@vp.fo
