Amerikanska Centcom hevur almannakunngjørt video á X av einum álopi á trý iransk hernaðarflogfør í suðureystur-iranska býnum Kerman.

Sambært CNN, sum hevur staðfest og geolokaliserað videobrotið, er talan um tvey amerikanskt framleidd flogfør, eitt C-130 flutningsflogfar og eitt P-3 vaktarflogfar, umframt eitt russiskt framleitt Il-76 farmaflogfar. Í videobrotinum verður hvørt flogfar rakt minst eina ferð, áðrenn myndin zoomar út fyri at vísa øll trý brennandi á flogvøllinum, skrivar TV 2.